Posted: 03/23/2010 02:25 PM IST

రాజధాని తరహాలో నగరంలో కూడా ట్యాంక్ బండ్ ఉండి ఉంటే ఎంత బాగుంటుందో అనుకుంటున్నారా? మరికొద్ది రోజుల్లో నగర ప్రజలకు ఈ ముచ్చట కూడా తీరనుంది. మిని ట్యాంక్‌బండ్ మాత్రం సాక్షాత్కారం కానుంది. రాఘవయ్య,అంబేద్కర్ పార్కుల నడుమ బందరు కాలువ వెం బడి ఈ బండ్‌ను ఏర్పాటు చేస్తు న్నారు. రూ. 25 లక్షల వ్యయంతో ఇక్కడ బండ్ అభివృద్ధి చేసేందుకు కమిషనర్ రవిబాబు పచ్చజెండా ఊపారు. అటు బందరురోడ్డుకు,ఇటు జాతీయ రహదారి నడుమ రాఘ వయ్య,అంబేద్కర్ పార్కులు సందర్శ కులను విపరీతంగా ఆహ్లాదపరుస్తు న్నాయి. ఈ నేపథ్యంలో, ఈ పార్కు లకు మరిన్ని సొబగులు అద్ది చక్కటి సందర్శకుల స్పాట్‌గా మార్చాలన్నది కార్పొరేషన్ అధికారుల తాపత్రయం.

ఇంజనీరింగ్ అధికారుల ఆలోచనకు కమిషనర్ ఆమోద ముద్ర వేయటం తో బండ్ ఏర్పాటుకు సన్నాహాలు జరి గి పోతున్నాయి. అంబేద్కర్ పార్కును పూర్తిగా బండ్‌గా అభివృద్ధి పరచ నున్నారు. బందరు కాలువ బేస్‌గా భారీ గోడను కడతారు. తర్వాత రె ండవ భాగంలో ఉన్న అంబేద్కర్ పార్కును పూర్తిస్థాయిలో బండ్‌గా అభివృద్ధి చేస్తారు. చూడటానికి ఒక ట్రాక్‌లాగా తీర్చిదిద్దనున్నారు. వాకింగ్ ట్రాక్ తరహాలో ఉంటుంది. బందరు కాలు వ అందాలతో పాటు, ట్రాక్‌పై సంచ రిస్తూ పార్కు అందాలను వీక్షించే విధంగా ఏర్పాటు చేయనున్నారు. ట్రాక్ బండ్‌పైనే పూల కుండీలు, ల్యాండ్ స్కేపింగ్ చేస్తుంటారు.

సంద ర్శకులు కూర్చుని పిచ్చాపాటి కబుర్లు చెప్పుకునేందుకు చక్కటి బెంచీల ఏర్పాటు ఉంటుంది. సందర్శకులకు అందుబాటులో ఫుడ్‌కోర్టులు, ఐస్ క్రీమ్ పార్లర్లు కూడా ఇక్కడ ప్రైవేటు వారి సహకారంతో ఏర్పాటు చేయి స్తారు. జాతీయరహదారి, బందరు రోడ్డు అందాలను కూడా వీక్షించే అవ కాశం సందర్శకులకు దక్కనుంది. బండ్‌పై కళాత్మకత ఉట్టిపడేలా శిల్పా లను కానీ, విగ్రహాలను కానీ ఏర్పాటు చేయనున్నారు. పిల్లలకు చక్కటి వినో దాన్ని పంచేందుకు ఇక్కడ ఆట పరి కరాలు కూడా ఏర్పాటు చేస్తారు. ఇటీవల కాలువలో బోట్లు తిప్పటానికి కార్పొరేషన్ అధికారులు ప్రణాళికలు రూపొందించారు. ట్రయల్స్ కూడా వేశారు.

బండ్ ఏర్పాటు చేసిన తర్వాత ఇక్కడే బోటింగ్ యూనిట్‌ను కూడా ఏర్పాటు చేస్తారు. బండ్ దగ్గరకు వచ్చిన సందర్శకులు ఎంచక్కా బోట్లపై షికారు చేయవచ్చ న్నమాట. సాయంత్రాలు బోటింగ్ షికారుకు మంచి డిమాండ్ ఉంటుం దని అధికారులు భావిస్తున్నారు. ఇంజనీరింగ్ అధికారుల ప్రతిపాదన ను ఆమోదించి తక్షణం పనులు చేపట్టాల్సిందిగా కమిషనర్ ఆదేశాలు కూడా జారీ చేశారు. మరి కొద్ది రోజు ల్లోనే బండ్‌కు సంబంధించిన పనులు ప్రారంభం కానున్నాయి.